unki chahat..

Unki CHAHAT ko kya kehiye
Kitne hain iss mein rang kya kehiye
Jo Dil ko Roshni se munawar kar de
Tareeki mein shamma-e-ummeed bane kya kehiye

Unki CHAHAT ko kya kehiye
Kitne hain iss mein gham kya kehiye
Dard ko chupke se baahon mein sula de
Mehka de sulga de dil ko kya kehiye

Unki CHAHAT ko kya kehiye
Kaisi hai yeh daastaan kya kehiye
Bata de kabhi baatein Dil ki adhure lafzon mein
Suna de kabhi dhadakte dil ki kahaniyan kya kehiye

Unki CHAHAT ko kya kehiye
Kya hai iss mein jaadu kya kehiye
Dikha deti hai sapne jagti aankhon se
Sikha deti hai har gham ko bhool jana bhi kya kehiye

Unki CHAHAT ko uff kya kehiye
Kaisa hai iss mein nasha kya kehiye
Pila de jo zeher ko tariyaaq keh ke
Mita de phir har sitam ka nishaan kya kehiye..

By Mehek.